طرح

آیاخلاریم بیر باشلانمیش یولا ساری

                 گوزلریم اویغولارا ساری ...

                         کونلوم دویغولاریندا چیرپنیر...

+ تاريخ پنجشنبه 1391/04/29ساعت 11:22 نويسنده ب -موحد |

                               قالدي بير غم بيرده من

 

آلدي كونلومدن قراري  قالدي بير غم بيرده من

 

 بئيله بيلمزديم اول ياري  قالدي بير غم بيرده من

 

               

شاخدا اولدي نوبهاريم دوندي شئعرين اللري 

 

قيش آپاردي گول نيگاري  قالدي بير غم بيرده من

 

ايلدريملار پارچالاندي  داق داغيلدي گورمه دي

 

آلدي گوللردن باهاري  قالدي بير غم بيرده من

 

روز گارين كولگه سينده نور عشقين ايسته جك

 

گون قوجالتدي روزگاري  قالدي بير غم بيرده من

 

من قدح سيز مست مستم ايشمه ميش ديوانه يم

 

سسله دي كيمدي خوماري  قالدي بير غم بيرده من


برچسب‌ها: غزل
+ تاريخ دوشنبه 1391/03/22ساعت 13:43 نويسنده ب -موحد |

 

سينديردي مني هئجري قوجالتدي نه دئديم من؟

                       ياش گوزلريمي يوللارا ساتدي نه دئديم من؟

كيم سيلدي منيم گوز ياشيمي درديمي بيلدي

                گوردي اوزونو هاميا قاتدي نه دديم من

آز چكميشيديم نازيني من نازلي نيگارين

                 گوزدنده مني اوندا كه آتدي نه دئديم من؟

گلجك آيينان اولدوزي گويلردن آپاردي

       بيلدين گونوده گويده يوباتدي نه دئديم من؟

ظولماني گئجه اونلا منه گوندوز اولوردي

                   اونسوز ايشيقين گونده آزاتدي نه دئديم من؟

دوردوخ قورودوخ بير باخيش ايچره اونولا من

         گولدي گولوشو كونلو مه ياتدي نه دئديم من؟

ياتميشدي گوزوم كونلوم اونويلا دولانير دي

                  كونلون اليني عرشه اوزاتدي نه دئديم من؟

من كي اوزومو بير دنه صياد بيليرديم

             سئومك اوخو دوز كونلومه باتدي نه دئديم من؟

عرشه آپاريب اللريمي گوزلريمي اول

            روحو بدنيمدن ده چيخاتدي نه دئديم من؟

گويده اونون عشقيله ديريلديم اوجالانديم

                  گويده ده مني اول چوخ باهالاتدي نه دئديم من؟

جهليدي قارانليقيدي هر نه گوروردوم

      دينديردي مني بيردن اوياتدي نه دئديم من؟

 

 

 

+ تاريخ یکشنبه 1391/02/31ساعت 20:8 نويسنده ب -موحد |

 

قارلارين اوستونده

                       آياخلار ايزي ...

                       -گئدن لر        گلن لر

                       -آلچاق لار        اوجا لار

                 *                   *         

   گون گوزون قارلارا بير ساليب گئچسه

                ....ايزلرده ايته جك....قاردا گئده جك....

                               ******

يالنيز  من سنيله اوردا قالا جاخ.....

              سندن من سوْوشوب

                                          زوْووب  يخيلام

  

          -...يئنه ده سن منه باخيب گوله سن....!!!!

 

+ تاريخ دوشنبه 1391/01/14ساعت 18:56 نويسنده ب -موحد |

سني بوتون بيتيك لريمينن

                    آغير سوز لرينن اوزومدن بوشاتديم...

                                                           ..........جیردیم...

                                   ..ايندي سن بير يازيلماميش سوز...

                                                            منده...

                                    گویون  بئينينده  يونگول بير دويغو...-                     .....نه !؟آغيريدين قانادلاريما....

+ تاريخ دوشنبه 1391/01/14ساعت 18:56 نويسنده ب -موحد |

گون گوزون ساليري داغلارا داشا

نه قدر گوز ايشلير ايشيقليق واردي

ديه سن قورتولوب قارانليق چاغي

ديه سن آيريليق داها قورتاردي

آغاشلار ياشاماق ماهني سين چالير

قيشينان سرينلر ياددان چيخيري

اوركدن سوينجين جامي جالانير

محبت اللري بير بير سيخيري

گوره سن يلكي سنيخ قوشلاردا

بيلير لر ياز گلير سئوينمك گرك

اوز گرك ورمه مك نيسگيله غمه

شادليقين كوينه يين گئينمك گرك

وارليقين هر ياني ياز ديه ن زامان

يازينان من نيه قاري شامميرام

بيلميرم گوره سن نه دير گناهيم؟

قير ميزي گولونن باريشامميرام

ياز مينم شئعريمده  آزادليقدادير

اوندا كي كونلوون سوزون ديه سن

گوزلليك ماهني سين الده چالاسان

سوينمك ايچه سن شادليق ييه سن

ياز منه اوندا دير كي سن گلي سن

قارانليق گئجه ني سحر الي سن

اته گين دوب دولي محبتيلن

هر نه كي الي ندن گلر الي سن

ياز سني گورنده منده باشلانير

بووورم  اوچورام آچيليرام من

گاهداندا دويو رام ايستك لريمنن

آمما من هش زامان دويمورام سندن

ياز منه سنيله بير اولماقدادير

آرزيلار ايسته يي گوزليم گولوم

بيلميرم گورنده سني نئي ني ييم

ايستي سن آغلئيم ..ايستي سن گولوم

 

+ تاريخ دوشنبه 1391/01/14ساعت 18:55 نويسنده ب -موحد |